Pendam Entalai Tuai Penimpai Menua

Pejalai Ngiga Pendam Entalai Tuai Penimpai Menua.
Nuju Bukit Mabong,Bukit Uyut,Bukit Gerunung ba Ulu Tuno kena taun 1970an enggau Aki Nirau.

Lebuh jeman nya agi ingat lalat tudah aku laban maia nya umur aku bisi manggai belasan taun tang tegal laban suah diperitis aki Nirau enggau maioh macam penemu.Pengudah cuti sekula aki alu ngemai aku mudik ke Batang Rajang laban ka betemu enggau bala ari Tuno.Aku enggai nusi penama bala aku nya tang aku nemu penama anak ia ti bisi rumahkediato ba Ulu Tuno.Nyadi menya taun sekitar taun 70an bakanya diak kami menduai aki mudik ke Batang Rajang ngena kapal pom pom ko orang Kapit suba.Bisi sehari semalam mudik ari Sibu nuju agai Kapit maianya ngena kapal pom pom nya tadi.Datai ba warf ari ulu warf Sibu kediato,alu jejampat ngelawa Rumah Temuai laban ka booking alai penindok ba diak dulu.Maia nya enti ka tindok ba ka bebayar mina 50 sen sepala enti ka tindok ba diak.Nama agi deh kami duai meaki alu nurun kepasar ngiga kaban aki nya Jelai(nama samaran apai tuai ba rumah panjai nya suba angka bisi nurun kepasar) laban danji aki pagila kaban ia Jelai nya bisi nurun kepasar ari surat dikirum aki nuju ia.Pengudahnya bejegau ba pasar alu maia bisi mansa jerita pasal bisi apai nyamun ngelalai ke anak mit ba Song ko apai siko nya nusi ba Kdai Saa Lee ba diak.Kami duai enda memunyi aja,jari aku majak nulis jerita didinga aku maianya.Enti jematan ka digaga sigi bisi apai nyamun ngiga pala ko orang ba diak betusi.Pengudahnya ari lemai,naka peyunyi menua Kapit maia malam,semina kedai Sim Ping aja dibuka laban bala Cina ba diak main mahjung agi suba.Kami duai aki alu tindok semalam ba pasar Kapit alu pagi nya nasib endar tetemu ke kaban aki nya.Gaga meh ati alu ka tengahari kami sabuat mupuk pulai ke rumah panjai laban ngenangi ari malam datai ba rumah panjai.Nasib g motor dikena kaban aki nya 25 johson kuasa kuda.Enyau bemalam ba rantau jalai laban motor suah patah pin laban ari ka silau silau tambah mega sigi bisi langkau bemalam maianya ba tebing karangan.Pagi nya udah makai indah pagi alu mupuk baru ga ngujung atai ba Ulu Tuno din.Apooo..pemaioh utai ditupik sida tu kelia naka pemaioh nya manuk.Kami duai mina sari aja ngetu enda lama aja alu madah diri ngiga utai baka dipadah ba atas tang kami duai ngemai sida ti ka rindu pemgawa tu enggau join sekaki mega.Bisi ga meniga iku ka enggau kami sabuat.Pengudah utai diintu genap magang baru kami mupuk magang.