Jerita Nirau Ngarau Langit

Jerita Nirau Ngarau Langit.
Maioh katuai enda ingat maioh agi ingat lalat tang tuju mina ngingat utai kelia ti amat.SERAKUP KITAI..

Nirau tu ada ke dunya ba Batang Skrang agi menya.Nyadi Nirau tu sigi nadai bilik laban apai indai kena bunuh bala Rajah Brooke ba Saribas suba.Lebuh nya Nirau dambi Encharang ke anak alu di iru Encharang baka anak ia empu.Nyadi lebuh bulan kembung diak Nirau selalu bermimpi dibai orang terebai ke langit ngujung Encharang nemu mimpi ia nya.Nyadi Nirau ditulung Nabau Langit ari jerita orang katuai.Ba jerita tuai Nirau tu beremsumbar Ngarau Langit laban tubuh Nirau bisi tisik ba tengan bau sapiak sapiak laban udah dituso Naga ba Bukit Nabau ba bahagian Simanggang.Diato aku enda nemu dini bukit tu tang suah sida ngumbai bukit ba Ulu Simanggang din ga.Nyadi Nirau tu siku kitai iban ti tampak rita pengering ba Kemayang Pengayau lebuh ia besatup enggau bala Jipun kelia.Enggi Jipun senapang dikena ambis tubuh ia ditimbak agi meh Nirau enda mati.Agi makai tudah tuai ia ditimbak Jipun ba pasar Sarikei kediato,Nirau agi enda kiruh leka senapang baka nama nimbak ia ti benung makai ba kedai Sung Ung suba.Agi meh ia makai ngujung peluru sida nya kena pinggai ia alu labuh ngujung Nirau alu nempap meja alu bejalai nuju sida Jipun menya.Keranding aja tubuh ia ditimbak agi mih idup,diak Jipun ngetu nimbak ia diak Jipun alu narit samurai alu mumpung pala Nirau,peda samurai nya tak bilut mata,pemaioh bala Jipun maia nya amai jai amai,maioh indu Cina ditangkap dirogol sida ba kedai alu udah dirogol alu pumpong sida pala indu Cina.Maia nya Nirau pedis ati alu ngena jari ia aja mumpong bala Jipun.Pemaioh Jipun endang maioh,maia nya enti salah ingat aku ba pasar Sarikei cukup maioh bangkai Jipun dibunuh Nirau ngena jari aja.Sekali jari datai nyau kedebung,pecah pala bala Jipun,nyadi maia niang aki bisi meda laban maia aki agi biak alu ngasuh bala Cina enggau bala Melayu lari ke rumah panjai kitai iban.Aki alu engkecit ngembing Nirau laban Nirau tu endang petunggal sida niang aki agi suba.Diak kenu ke jerita ba pasar Sarikei maioh but laban bangkai Jipun tang pemansang Jipun ngelaban enda ulih ditagang laban kelari neresa nya aja alu ngerumban tuju ati sida ia datai ba Simanggang.Nyadi menya siku katuai kitai benama Kendawang Bunsu Lang tu meh ti ngemai Kemayang Pengayau serakup ngelaban Jipun.Menya penama Kendawang tu sigi selalu disebut niang aki.Kendawang tu maioh penama pejuluk ngujung nama ia ditukar kin kia.Nya penama Kendawang enda dikelala orang agi.Lebuh orang putih ngaga Operasi Ant ba Sarikei diak bala Kemayang Pengayau nitih jejak ari belakang tang lebuh malam bala Kemayang Pengayau nyerang sida Jipun ngujung Jipun enda senang duduk.Ba ai Simanggang tragedi bedarah tau dikingat kitai,siku indu tuai disayat Jipun enggau kejam.Tang indai nya bersumpah enti ia parai ai sungai Simanggang genap taun ngiga pemakai bansa Jipun.Endang amai pengudah nya menua nya angat laban genap kali Jipun neresa menua sida sigi parai tachah baya tachah penyakit bisa.Ba kenang aki suba lebuh bala aki enggau bala Kemayang Pengayau nyerang kuta Jipun ba Kubu Magherita diak sida damping ka munuh komander Jipun tang bisi bala Jipun nemu alu medil sida ngena meriam alu ditangkap aki Mikai leka meriam nya peda aki Mikai terpelanting ke seberai.Maia nya kena 12/5/1944..malam nya kubu Magherita penuh enggau munyi bertimbak enggau bedil tang mensiaa dilaban bala Jipun nya enda dipeda lebuh malam tang pengudah bala Jipun mantai nimbak kuli sida ti bebansa dayak kabukai diak bala Kemayang Pengayau ngetu nyerang alu nyurut kediri.Pemedis ati tudah aki Nirau enda ibuh kira agi meda bansa diri disatik bakanya,diak ia alu nempap ai sereta muka jampi ilmu putih alu nyepu nuju Kota Magherita kin tang laban Kuta nya suba bisi dipagar kitai dayak ngena ilmu hitam ti bisa suba diak bisi rimpak mimit pagar ilmu nya laban jampi ilmu putih Nirau.Suba enti ketegal ilmu putih begulai ilmu hitam sigi perubus pagar kuta nya.Nya meh baka sida Mikai enda ulih nerubuk tama kuta nya suba.Pengudah nya diak bala Kemayang Pengayau majak ngayau sengayau bala Jipun ditambah bala Operasi Ant maia balat agi nyadi.Pengujung ia lebuh Jipun nyerah alah diak bisi kitai iban benama Garing ti ngelulu diri ngena baju Jipun nepan kapal ti ditepan Komander Jipun alu kapal lebuh belayar diak Garing mubuk ngaga lubang besai ba baruh kapal nya.Garing alu mumpung pala komander Jipun nya alu ditaban ia engkecit ke laut alu ia nyemerai ke kapal dagang bala Iban Saribas ti bedagang tajau agi menya.Nya meh dendam Garing agi kelia.Pengudah jeman bado perang diak Nirau ngidup kediri ba menua Kuching alu pia mega sida kabukai nyentuk kediato semua purih Kemayang Pengayau di ajar ditangkan ngena jako baka tu..

Tan tan meh bansa kitai iban,
Tan tan purih kitai ngica enda teberayan,
Ngica ila tau murih sida tuan,
Ngica pengidup kitai meruan,
Sapa agi ngenan enti ukai kitai iban,
Laban kitai sigi purih ke meruan,
Enda takut ka ia danjan,
Endang adat parai nuju sebayan,
Kapa ka buyan,
Laban kitai sigi parai danjan,
Sigi adat menua enda tau lama diuan,
Kapa kisuk ka idup enti buyan,
Nyamai agi kitai serakup sama ngenan,
Ari munsuh ti ngacau utai meruan,
Kasih ke bansa mensia bedau idup jelungan,
Aram kitai samaa ngetan,
Tanah menua kitai semua bansa sarawakian.

Leka jako tu dikarang Aki Janang Bungai Tarang kena taun 1970 pengudah niang Nirau dibai petara kena taun 1970an mega.Kasih mu pada semua bangsa Serawak tidak ternilai.Salam sayang dari kami semua.