Indu iban ti terubah nyadi Antu Koklir

Ensera Ilam Batu Bungan.

Indu iban ti terubah nyadi Antu Koklir.

Based True story...
By Sebie
Written by Mary Tinggom

Menya sebedau kitai iban mindah kemenua bukai diak kitai iban begaga rumah panjai ba Sungai Kapuas alu mega berdamping enggau bala madik kitai berbansa Memaloh ba din agi menya.Nyadi menya bisi siku indu dara tampun puji benama Ilam,Mayang,enggau Subang.Sida tu endanng jelai rita tampak nama ketegal pemajik,penyampat betenun,penyampat nyumai endang ditemu rita sigi indu ti sikal ngereja pengawa indah baka sida Kumang sida Lulong ari Gelong.Lebuh sida ditanya orang ke lelaki diak maioh orang lelaki asa laban suah diuji sida tiga ba penemu.Maioh maioh lelaki mina tiga iku lelaki ti keran amai ke sida tiga tu tadi benama ANTUT,ANJIE,enggau BAKAI.Nyadi sida tu nguji mega nanya tang ditulak sida Ilam sepetunggal tadi ngujung sida tadi naka pemedis ati tang laban sida tiga ngenangi ga agai apai Ilam ti endang beberita berani mega.Ngujung sida tiga enda mantai pengeringat ba mua sida maioh ba diak tadi.Lebuh maia nya alu datai tiga orang bujang sarumah enggau sida ia nya Kilat,Gesi,enggau Munan ti nanya sida tiga indu dara tampun puji tadi mega.Laban sida Kilat tu empaii dikelala penama rita enda baka sida ANTUT tadi.Diak lebuh sida tiga duduk ba ruai orang indu dara berapi beguai ngambi tubai racun kena nguji penemu sida tiga tadi.Tak dengkah orang indu dara ba kendi meh ai tubai ai racun tadi.Udah nyumai alu ngangau ke apai sida tadi ngasuh orang bujanng tama makai.Sida tiga bepecah nitih ke bilik indu dara ka ditanya mega.Seretai tama alu duji oorang indu dara wai.Nukang aja pintu udah kena suntek orang indu dara,peda gegetar kaki tudah tuai Kilat,nasit tudah Kilat tu bisi penemu bisa alu ditempap ia betis diri alu gerai.Tama Kilat nuju ke dapur sida Ilam ba bilik alu datai din dasuh Ilam masu jari tudah tuai,ambi Kilat ai basu alu disepuh ia jari ka nuci jari diri,peda tak bepedik jari tudah tuai laban ba ai berangat.Amai pama tudah indu dara tu ko ati ia bangat bunggah nundi pangan diri.Udah ia nuci jari diak Kilat alu denah orang indu dara makai.Alu makai semakai meh tudah Kilat.Tembu makai alu disua orang indu dara ai angka sendat ko ia.Nadai betangguh alu dirup tudah Kilat,apoooo...pama pemedas penyamai ai tu ko Kilat tang kebatang amai nya pedas tubai ai racun diberi orang iindu dara nguji penemu ia.Tak tempap Kilat geregar dapur tak berenyang rumah panjai laban Kilat ngetat kena racun seretai nya ia alu kentut sereta penuh bilik nya bau kentut.Pama pemisa racun diberi orang indu dara nguji pangan diri ko ati Kilat.Udah tembu Kilat bakanya diak berenyang baru ga rumah panjai sereta bilik sapiak ia tacuh lari nyium pemau kentut unggal ia Gesie,alu pia mega begetar baru rumah panjai tacoh ga bilik sapiak laban pemau kentut unggal ia Munan.Alu didinga sida sarumah tacoh aja lari ke tanah ngumbai rumah panjai ka runtuh laban tiga kali rumah panjai berenyang.Alu didinga manok mati kekiok laban mati nyium bau kentut beracun sida tiga tadi.Lapa deh neh kaban.Pengudahnya diak tiga alu dipadu jadi ketegal orang indu dara alah penemu laban tiga ia.

Pengudah jadi melaki bini diak Kilat jadi enggau Ilam,Gesie jadi ngau Mayang,Munan jadi ngau Subang.Diak sida ANTUT tu tadi agi nyimpan ati ka malas dendam alu bisi niat ati ka munuh Kilat,Gesie enggau Munan tang sida empai ka nganti maia keno ko sida ia berandau kediri.Nyadi enyau ka semak setaun sida sabuat jadi melaki bini diak Ilam,Mayang,Subang enyau ngandung alu beranak mega.Enyau bertaun dahnya alu beranak pinak betelesak meh sida tiga tadi tang penyelai ia,gamal sida tadi agi biak agi bajik enda nemu luya ditelan ngujung lebuh sida enyau ka beranak ke empat kali diak sida Kilat,Gesie enggau Munan tu dibai bansa Memaloh ngulu ke sida ia agai ngayau mulau menua bukai ketegal ka bebalas pemati sida sarumah ti dibunuh ba umai.Diak maia nya maioh kitai iban nitih enggau nyeretai ngayau ke menua bukai.Nyadi maianya Antut,Anjie,Bakai madah diri jai mimpi enya meh enda enggau nurun ngayau ko sida tiga tadi.Alu pia mega sida ke lelaki ba rumah panjai nya ke betuai ke Antut madah jai mimpi magang.Kebatang amai sida ka ngayau rumah panjai sida Kilat laban ka ngambi padi tauka keresa sida ba diak laban sida tadi enda kala bulih padi enda kala bulih keresa laban suah nyanda berau agai sida Kilat sekayu rumah panjai nya.Ni enda sida Kilat sekayu rumah panjai nya endang rajin bumai sereta belebuh ngirup enda baka sida Antut sarumah panjai ti buruk bumai,enti bumai pen endang besai umai tang laban ketulang ngelusu udah genap ari genap semampai palau semampai berami ngujung leka padi enyau jai.Nya meh sida tu enti udah mabuk maioh aja ulah enyau butang kin kia laban nadai pengawa bukai digaga laban tuai sida nya pen baka anembiak ia empu.Pengudah meniga ari sida Kilat nurun ngayau diak sida Antut alu nurun ngayau rumah panjai sida Kilat,tak nadai berampun ampun agi ni ke bisi dipeda ba rumah panjai tak alu dibunuh sida ia magang.Laban maia mabuk ke nurun ngayau bisi ga kaduak sida sarumah Kilat ulih ngelari kediri tang Ilam,Mayang,enggau Subang enda ulih lari endar laban kandung besai amai.Enda tegal meh sida tiga lari enyau dulih gagai Antut,Anjie,Bakai.Nama agi naka pengaga sida tadi meda bulih nangkap Ilam,Mayang,Subang nya tadi.Udah ulih sida alu ka dipasung sida tiga meh tudah Ilam,Mayang enggau Subang tang enda ulih pasung ngujung Ilam,Mayang,Subang dirit sida agai ai sungai alu direndam sida Antut nadai penyinu ati.Ketawa lelekik aja sida sarumah Antut ti nurun ngayau tadi.Puas direndam alu engkah ba karangan alu dipasung sida ia memagang,sida ke indu ti sarumah Antut majak ketawa lelekik enyau gaga ati meda utai bakanya.Enya meh samoa lelaki tak muka sirat memagang ka nguji ngacuk utai diri berdengah meh meda pemajik pemurak Ilam,Mayang,Subang maia ti udah ditelanjai ke sida ia tang nasib ga Ilam bulih lungga alu ia munuh diri enggau nucuk jantung diri.Meda bakanya diak Mayang enggau Subang alu bakanya mega.Diak naka meh pengaga ati sida ia meda pemelik sida tiga tadi munuh diri.Udahnya diak sida ke lelaki enggau ke indu alu ngambi keresa ba rumah panjai sida Kilat.Sitek nadai meh utai ditinggal ba rumah panjai alu ditunu sida ia rumah panjai sida Kilat.Udahnya sida alu mupuk pulai kerumah panjai diri alu begawai ngintu utai dikeulih alu sida katuai ba rumah panjai enya enyau lari laban enggai ulah tuai ti jai.Bisi ke enda sepenemu enggau Antut dasuh Antut lari enti jemah ila sida betemu baru ko Antut sida nya dibunuh Antut ila.Maioh meh orang ke sepenemu enggau Antut tadi naka pengaga ati bulih keresa alu pagila sida ka pindah keno ko sida ia lari ari menua nya.Nyadi pulai agai tubuh sida Ilam,Mayang enggau Subang ti dengkah ngapa ba karangan tadi.Diak maianya inek manang bisi mansa menua nya lebuh pulai ari tasik alu ia kasih meda bangkai sida tiga nya alu maianya inek manang ngasuh ucu ia remaong nanggung tubuh sida tiga ke bukit kin.Datai dibukit din diak inek manang ngidup sida tiga ia mega.Tang laban sida udah jai jantung diak sida tiga mina ulih nyadi mensia nadai bejantung sereta inek manang nanya sida tiga enda tau begulai enggau mensia agi laban sida tiga udah nyadi antu mensia.Enyau nyabak meh sida tadi.Nyabak ngenang nasib diri ti enda ulih teranti ke laki diri pulai ari ngayau.Diak sida tiga berdendam enggau sida Antut sarumah panjai nya.Nyadi ko inek manang enti kitak malas dendam tau anang laban enda manah ko inek manang tang meda sida bedanji enggau inek manang ka munuh orang ke munuh sida tiga diak Inek Manang ngasuh ga.Nurun sida tiga ari bukit tadi diak sida tiga terebai nuju rumah panjai Antut ti benung rami ti empai pindah laban ke majak mabuk.Enyau kira ngalih lemai diak sekayu rumah terkenyit ninga orang ba rumah panjai nya reraoh madah bisi indu dara tesat ko sida ia,nama agi deh dasuh sida niki.Peda leluba Anjie nyengkau megai ngiring jari orang indu dara.Nama deh semalam malam nya meh pungka ke lelaki nutu sida tiga indu dara ti bajik nya.Ambis berekak kaduak laban berebut ka ngimbai indu dara nya ke duduk.Indu ba rumah panjaii nya enyauu pedis ati laban enda dikiruh ke pungka lelaki ba diak.Tudah Antut agi ba bilik laban tembu ngereja ke bini orang alu pia mega tudah Bakai ti benung ngereja ke bini Anjie ba sadau din.Ninga utai capuh ba ruai baru saduai pansut alu tepeda ke indu dara ti cukup bajik amai.Alu beguai saduai ia ngejo orang lelaki ke ngimbai indu dara temuai nya tadi.Saduai alu ngemai indu dara tama ke bilik tang ditagang sida kabukai.Meda bakanya alu bejako indu dara temuai nya tadi.Enti sida ke lelaki ka jadi enggau sida tiga.Sida ke lelaki nya tadi mesti ngiga entelah dilalai sida tiga negi.Enti salah teka diak igi ugai sida ke nyawap nya ka dempa sida tiga ko sida tiga nya madah.Alu ketawa engkakah meh sida pungka lelaki nya tadi ngumbai enya utek gagai.Alu ka aja sida ke lelaki tadi.Nama agi deh alu dilalai sida tiga entelah alu jejampat Antut nyaut,ditimbal Anjie agi alu ditimbal Bakai mega.Tuchum orang orang indu madahnya salah alu ngasuh sida tiga tadi mantai igi ugai sida tiga mega.Ukai anchi anchi sigi purih enda malu kini sida tiga nya alu melesit ke igi ugai,alu ketawa rerising alu bejako isin.Nyahhhh,pakai kitak meh uwai bajik ko sida tiga tadi ti tuchum tuchum.Alu ketawa lelekik sida ba ruai tadi.Nama agi deh alu melut leka mata orang indu dara meda alu ngampir mansang semak agi.Seretai semak alu ditagup alu dempa sida tadi igi ugai sida Antut,Anjie,Bakai.Udah igi uugai nya putus alu sida alu ngebuk jantung Antut,Anjie,Bakai tadi.Enda bepadah nyawa meh tudah Antut,Anjie,Bakai nya mati enda nyengai ari lesi laban kelalu jai ati.Peda alu lelekai ketawa sida tiga nya tadi.Naka penyarih utai,peda tesepar aja sida ba ruai lari ke bilik alu betambit pintu,ni mabuk ba ruai alu ambis meh mati,ni ke tegeley enda nemu utai sigi lesie ditaban ari.Enyau genap malam genap lemai menua penuh enggau darah mensia ti mati laban dendam antu koklir Ilam,Mayang enggau Subang nyentuk menua Antut nya nadai dipeda agi utai sesitau.Jelu tupi ambis mati dibunuh pia aja.Anak mit aja ke bisi enya pen ulih dambi ari apai Antut ti enda setuju enggau penemu Antut bakanya suba.Alu ditaban sida apai Antut bala nembiak menya suba.Keno ke jerita tuai nusi,sida Ilam,Mayang,Subang tu meh terubah nyadi antu koklir.Alu pia pengudahnya sida tiga tampak amai rita nulung purih pantih ia empu laban anak sida tiga kedulu suba agi idup laban maia sida Antut tu ngayau kia suba bala anak sida nitih ke aki inik sidaia kumai kin bemalam.Nasib maia sida entua ia pulai ari langkau umai menua benung kacau laban sida tiga bebalas dendam.Enya meh entua sida enyau kasak amai nyabak meda menantu diri udah enda ulih nyadi mensia agi.Betemu sida menantu sida mentua diak sida gauk baka selama.Pengudah pemati Kilat,Gesi,Munan maia tuai diak sida tiga pulai ke gua remaong suba.Sida tiga suah nulung bala anak bala ucu lebuh ngayau mulau.Enyau atai ba tubuh wit sida baru sida tiga enyau jarang nulung agi laban wit sida udah jauh mindah kabukai.Penama amai sida tiga tu enda dingat ke aku laban aku nitih asal jerita tu ti ngelalai penama sida tiga tu.Sida tiga tu meh dulu nyadi Bunsu Koklir ba baruh dunya tu.Nya aja jerita aku kemalam tu.