Bangsa pengempu bumi Sarawak

For all century..to meh bangsa ku bangsa pengempu bumi Sarawak ti berjuta juta taun ti udah,sebedau penatai Raja Brunei.Berjuta taun bangsa aku ngempu tanah Sarawak,agi dikingat Tembawai Lenjat,Tembawai Limbat,Tembawai Ungkat,pengudah lari ari Tembawai Bejuah,Tembawai Dilah,Tembawai Kurah,datai ba Batang Tuai Nimpai terengkah ba Batang Mandai mudik kilik ba Nanga Sempilik pambar bepar mudik ke Batang Juwek,kulu kekapu mudik ke Batang Ngeribu,ke bukit ngilah Tinting Kuncit,ke emperan nengah Emperan Nasan Engkelan,pudik kili terengkah Batang Kapuas beguai ngaga rumah panjai ba senentang Nanga Sungai,kilik sida Garik alu ngambi puting ke jauh agi ngujung pergi agai Batang Engkarie,mudik Nerie Bujang Berani matak bala ngujung atai ba Nanga Setuie (menua to ba sempadan Sarawak enggau Indonesia) alu ngentak tiang tebelian cecegi berdiri tanda penatai tudah Nerie.Ninga jerita diak sida Umpong sida Jugo alu bebai berulu ulu agai menua baru ti ngujung terengkah ba pucung Tinting Sakang Ngelibu alu engkecit manang Minggu alu nyabut tangkai daun Ngelibu alu ditepu ba lanjang ketapu ti ngujung ia bisi ngembuan sakang seribu.

Ninga sida Linggi purih berani kempang ati alu bebatak mindah pergi agai Tembawai Lenjat (sempadan Sarawak ngau Kalimantan ba Ulu Lubok Antu tauka ba Ulu Batang Ai) ngujung ngentak nyerengat rumah panjai ti panjai amat.Ninga sida Insor alu mudik kulu ari menua Tembawai Lenjat ti datai ba menua Tembawai Limbat((ulu Katibas,ai yong,ulu tisa,senentang Batu Berdiri keno ke tusut sida ko niang aki ari tusut kenang aki tuai Kuling))..Ninga sida Renang Bujang Ngerayang Ngai Alah Ari Orang lalu ngemai bala mindah agai Tembawai Ungkat( ba area bukit kampung puang ba Sarikei)..Ninga sida madik kitai Rajang alu mudik ari Nanga Rajang enggai neresa kampung puang ngenangi tetemu ke orang enggai beperang neresa menya orang,..

Enda ulih ku tampung pemanjai pejalai orang kelia to kaban,orang kedulu datai ba menua Sarawak to ti nitih ripih ia nya bangsa Gundie peturun ti ka celum celum tang buk ia begelung baka dawai,peturun bangsa Gundie to ti nitih amai ia nya bangsa timur timur tang sida lari pengudah kitai Iban datai ari Tembawai Bejuah,dititih madik kitai Kayan,Kenyah,alu bisi mega kitai Iban dikumbai penatai ari Australia ti ka sama tatoo enggau bangsa Samoa enggau Moari.Nyadi menyadik kitai Tanjung, Rajang enggau Sekapan mina dulu ari berpindah ari kitai laban sida ia ngena perau mudik ngulu sungai Rajang,alu menyadik kitai Baketan to sigi dulu ari kitai diau menua Sarawak to laban sida enti nitih jerita tuai sida ia lari ari anjak bangsa kitai dayak kabukai baka bangsa madik Sekapan ti ngujung sida ia pindah agai Batu Niah,Gua Mulu,Batang Rajang kulu kin sereta pambar alu keduak nampil bangsa bukai ti ngujung populasi sida mimit,Kitai Iban udah lama datai ba menua Sarawak ukai beratus taun tang berjuta juta taun sebedau Kerajaan Sultan Brunei atai ngaga penyarut ti nyerang rumah panjai bala menyadi kitai bangsa Sekapan enggau Rajang ba Muara Rajang kediato,penatai Sultan Brunei ti ngemai bala Jawa nyadi pengikut ia ti ngujung sida enda ulih lama ba Kuching laban majak dikayau bala menyadik kitai Sekapan,enggau Rajang,meda diri alah diak sida Rajang alu bisi niki rumah panjai Bidayuh ba Tebedu ti madah ti kitak ulih ngelari ke Sultan Brunei sida tau ngempu tanah ba din,meda bakanya diak bidayuh alu nyerang Sultan Brunei ti ngujung Sultan Brunei pindah agai Miri kediato,lebuh Sultan Brunei ba Miri ia dikayau menyadi kitai Berawan,Kedayan,Penan enggau kabukai ti maksa Sultan Brunei pindah agai P.Labuan,ba Pulau Labuan Sultan Brunei alu ngambi ati menyadik kitai kedayan ti ngujung ia jadi enggau siko indo dara kedayan.Ari to meh Sultan Brunei berkuasa baru.