Part 2..
Ensera Uncha enggau Uching.
ejam ke seduai ia mata, sepi kaki asai ke terangkat, tubuh asai ke ngelayang terebai di puput ke ribut. Enda lama udah nya baru Keling ngasuh seduai ia muka mata.
Lalu di buka duai ia madi ia mata, peda tak ngenjing beterenjui ai wong sigi labuh ari atas nadai enda ngeninggi-ninggi nya. Ba baruh panchur aie wong nya bisi sigi mulut lubang batu ke cukup besai. Sida empat lalu tama ba lubang batu nya tadi. Tama diak, nya baru seduai ia tekenyit meda mayuh amat mensia diau dalam nya. “ Bala kami serumah nya igat, kami diau ngenduh ditu, nyangka bisi tak 20 tahun kami udah belalai ditu” pia deh ko keling bejaku.
Uncha enggau Unching lalu di bai Keling niki ke langkau siti. Sida tiga lalu duduk berandau diak. Kumang nyau ga ke dapur, kira ke ka begiga ke pemakai kena sida tiga ia berandau. Ia lalu mantai ke tiga iti tajau tuak ke umbas ia pemesai. Sekumbang ke ngirup , Uncha lalu nanya, “ Nama kebuah kitak serumah tak belalai ngenyadi-nyadi tu deh aya?” pia ko Uncha nanya. “Nya meh igat, menua kami ke disebut orang benama Panggau Libau udah di serang munsuh ari langit serak tujuh, bala raban aya aku empu Apai Sabit Bekait.” Ko tudah Keling nyaut. Nya meh tudah seduai madi ia lalu ngenung, mulut Unching nyau ambis tama lalat, enda ulih tikup ke ia. Tekenyit meh seduai madi tu tadi nyepi diri tak begulai enggau orang Panggau Libau. Ngelama tu ka amat seduai ia belandik ke jaku anak orang Panggau.
“Nya alai igat, aku tu ke bendar ia Keling, Ibu’ kitak nya Kumang enggai ke seduai di enda nemu”Pia deh ko Keling madah. “Aku segi sengaja nekat ati seduai dek demalam, ambi enda betanya dulu, aku ke ngasuh seduai dek enda ingat ka be tanya ke utai nya” pia deh ko Keling bejaku baru.
Patut meh seduai madi nya tadi tak seruran enda ingat nanya ke utai ti nyadi, sereta sapa aya enggau ibu’ nya . Laban ke udah di asal Keling dulu deh. “Nya alai igat, bakatu meh pendiau pengidup kami ditu. Pedis amat kami ka ngalah ke sida Apai sabit Bekait, mayuh kami serumah udah dibunuh sida ia, bakih aku ke kering berani ianya aya kitak Laja enggau pungga pan udah kena tangkap bai sida ke langit tujuh kin” pia deh ko Keling madah ke duai ia. Seduai madi ia segi enda engkeretik, semina ninga aja. Seduai ia berasai sinu meda aya duai ia Keling meliar aie mata ngenang penusah sida di Panggau Libau.
“Ukai orang sebarang ga Apai sabit bekait tu, orang Panggau pan takut”pia deh ko dalam ati seduai ia bejaku. Enda lama udah nya dinga Ngangau Kumang ari dapur, “Udah berenah makai aku dom, bai aya dek makai, makai kitai” pia deh ko Kumang ngangau sambil ke bebinching genuk aie irup. Lalu angkat meh sida tiga ia tama ke dapur nunga asi ke udah di sungkit .~~~~~
Nyau ngenang Bujing enggau Empena ke tinggal di Menua sida kediri-diri. Nyadi keno ko jerita, hari silih beganti, minggu pan nyadi,nyau datai ke lima bulan. “Lalu enda ga Uncha enggau Unching tu pulai, kada idup,kada enda mati seduai tu. Tesat kini”Pia meh ko sabak Empena bejaku enggau Bujing. “Pulai meh anak….anak.. enti seduai agi idup,iga ga seduai betah amat ngelama-lamanya” ko ia ga beserebana ke pengelengau diri. Ni enda deh, ari seduai dua nya agi mit nyentuk ke bujang enda kala di tinggal ke ia, ia empu enda kala di tinggal ke seduai dua nya madi ngelamanya.
“Uji giga seduai ia Bujing, ia mati aku enti seduai ia enda pulai, nadai aku nakal, idup nadai meh guna, nyau idup merinsa ingat ke seduai ia belama” ko tudah tuai. “ Nadai aku nemu ngiga, nadai aku tu nemu tunga seduai ia, enti bejalai tak ngiga ngapa meh aku ila, ujung aku ke tesat” pia deh ko Bujing nimbal Empena. Amat ga munyi ko ia, kada enda parai tesat ga Bujing enti nyau begiga ke seduai ia.
Iya ga lebuh ke nurun suba Uncha madah ke seduai madi ia begiga enda lama kira ke ngambi ke sari-dua. Tu nyau udah lima bulan udah enda pulai. Selalu agi Bujing enggau Empena ke tak tinduk lemai enda makai. Kadang-kadang sari seduai ia enda bejaku enggau pangan sa-leka. Nyau kurus deh Empena tu tadi datai ke nyau sakit. Bujing pan nadai daya ngiga utai kena ngubat Empena ke seruran rangau-rangau nyebut nama Uncha enggau Unching.~~~~~~~~~
Nyau ngenang baru ga kitai ngagai Uncha enggau Unching ke begulai enggau orang di Panggau din ba Lubang batu. Udah tembu sida sa-buat makai, Keling lalu bejaku “ Pulai dulu seduai di ke menua igat, lama ga apai enggau indai seduai udah nganti pemulai seduai, Indai seduai nyau sakit amat diatu, udah lima bulan seduai dek enda pulai”pia ko Keling. Uncha enggau Unching pan tekenyit, enda ke baru kemari seduai ia niki ke langit, saritu ba lubang batu ga. Enti di kira betul meh nya baru 2 hari udah bejalai nitih ke semaya. Pia deh ko peragam ati seduai ia.
“Enda ulih betangguh agi seduai dek igat. Indai duai dek mesti di perubat ka, tang anang irau. Tu batu Geliga ulih aku ngeruk alam nyawa nabau di ulu Panggau kelia bai seduai pulai. Unsut ke aja ba tubuh indai kitak, gerai ia ila”pia deh ko Keling bejaku baru sambil nyua ke bungkus pua chelum sigi ke kena ia nyimpan geliga nabau. “Nyadi gari ke kena seduai dek nya, bai pulai. Ila kena seduai baru, udah genap bulan pansut segala, dunya petang terang raya, Kitu ke seduai dek ila enggau kami bebalas ke langit tujuh kin. Ila aku madah ke seduai baru ngena mimpi, ambi ulih nimpoh hari seduai patut kitu baru”ko tudah Keling nyambung jaku ia baru.
“Au meh aya, ila kami duai datai baru ga kitu, keba ga nuan anang enda madah ila” ko seduai ia nyaut Keling. “Aram igat, aku nganjung seduai ke mua lubang batu tu. Bai magang semua keresa seduai” pia ko Keling. Seduai ia pan lalu angkat lalu ngemas semua perengka seduai ia, seduai ia pan lalu madah ke pemulai diri ngagai ibu’ duai ia Kumang. Datai di mua lubang batu dia deh Keling nangkan seduai ia ngena jaku baru. “ Anang enda madah seduai dek ngagai apai indai seduai di menua ke pejalai seduai, madah ke diri betemu enggau kami duai ibu’ dek di Panggau. Pejam ke mata seduai diatu” pia deh ko Keling.
Ia meh udah nya, lalu di ju’ ke Keling seduai ia benung ke musin ke belakang. Nya meh seduai ia tadi ngasai ke diri tak ngelayang labuh ke baruh. Tak asai ke di runtuh ke tampuk atau~~~~~~~~
Lalu di buka duai ia madi ia mata, peda tak ngenjing beterenjui ai wong sigi labuh ari atas nadai enda ngeninggi-ninggi nya. Ba baruh panchur aie wong nya bisi sigi mulut lubang batu ke cukup besai. Sida empat lalu tama ba lubang batu nya tadi. Tama diak, nya baru seduai ia tekenyit meda mayuh amat mensia diau dalam nya. “ Bala kami serumah nya igat, kami diau ngenduh ditu, nyangka bisi tak 20 tahun kami udah belalai ditu” pia deh ko keling bejaku.
Uncha enggau Unching lalu di bai Keling niki ke langkau siti. Sida tiga lalu duduk berandau diak. Kumang nyau ga ke dapur, kira ke ka begiga ke pemakai kena sida tiga ia berandau. Ia lalu mantai ke tiga iti tajau tuak ke umbas ia pemesai. Sekumbang ke ngirup , Uncha lalu nanya, “ Nama kebuah kitak serumah tak belalai ngenyadi-nyadi tu deh aya?” pia ko Uncha nanya. “Nya meh igat, menua kami ke disebut orang benama Panggau Libau udah di serang munsuh ari langit serak tujuh, bala raban aya aku empu Apai Sabit Bekait.” Ko tudah Keling nyaut. Nya meh tudah seduai madi ia lalu ngenung, mulut Unching nyau ambis tama lalat, enda ulih tikup ke ia. Tekenyit meh seduai madi tu tadi nyepi diri tak begulai enggau orang Panggau Libau. Ngelama tu ka amat seduai ia belandik ke jaku anak orang Panggau.
“Nya alai igat, aku tu ke bendar ia Keling, Ibu’ kitak nya Kumang enggai ke seduai di enda nemu”Pia deh ko Keling madah. “Aku segi sengaja nekat ati seduai dek demalam, ambi enda betanya dulu, aku ke ngasuh seduai dek enda ingat ka be tanya ke utai nya” pia deh ko Keling bejaku baru.
Patut meh seduai madi nya tadi tak seruran enda ingat nanya ke utai ti nyadi, sereta sapa aya enggau ibu’ nya . Laban ke udah di asal Keling dulu deh. “Nya alai igat, bakatu meh pendiau pengidup kami ditu. Pedis amat kami ka ngalah ke sida Apai sabit Bekait, mayuh kami serumah udah dibunuh sida ia, bakih aku ke kering berani ianya aya kitak Laja enggau pungga pan udah kena tangkap bai sida ke langit tujuh kin” pia deh ko Keling madah ke duai ia. Seduai madi ia segi enda engkeretik, semina ninga aja. Seduai ia berasai sinu meda aya duai ia Keling meliar aie mata ngenang penusah sida di Panggau Libau.
“Ukai orang sebarang ga Apai sabit bekait tu, orang Panggau pan takut”pia deh ko dalam ati seduai ia bejaku. Enda lama udah nya dinga Ngangau Kumang ari dapur, “Udah berenah makai aku dom, bai aya dek makai, makai kitai” pia deh ko Kumang ngangau sambil ke bebinching genuk aie irup. Lalu angkat meh sida tiga ia tama ke dapur nunga asi ke udah di sungkit .~~~~~
Nyau ngenang Bujing enggau Empena ke tinggal di Menua sida kediri-diri. Nyadi keno ko jerita, hari silih beganti, minggu pan nyadi,nyau datai ke lima bulan. “Lalu enda ga Uncha enggau Unching tu pulai, kada idup,kada enda mati seduai tu. Tesat kini”Pia meh ko sabak Empena bejaku enggau Bujing. “Pulai meh anak….anak.. enti seduai agi idup,iga ga seduai betah amat ngelama-lamanya” ko ia ga beserebana ke pengelengau diri. Ni enda deh, ari seduai dua nya agi mit nyentuk ke bujang enda kala di tinggal ke ia, ia empu enda kala di tinggal ke seduai dua nya madi ngelamanya.
“Uji giga seduai ia Bujing, ia mati aku enti seduai ia enda pulai, nadai aku nakal, idup nadai meh guna, nyau idup merinsa ingat ke seduai ia belama” ko tudah tuai. “ Nadai aku nemu ngiga, nadai aku tu nemu tunga seduai ia, enti bejalai tak ngiga ngapa meh aku ila, ujung aku ke tesat” pia deh ko Bujing nimbal Empena. Amat ga munyi ko ia, kada enda parai tesat ga Bujing enti nyau begiga ke seduai ia.
Iya ga lebuh ke nurun suba Uncha madah ke seduai madi ia begiga enda lama kira ke ngambi ke sari-dua. Tu nyau udah lima bulan udah enda pulai. Selalu agi Bujing enggau Empena ke tak tinduk lemai enda makai. Kadang-kadang sari seduai ia enda bejaku enggau pangan sa-leka. Nyau kurus deh Empena tu tadi datai ke nyau sakit. Bujing pan nadai daya ngiga utai kena ngubat Empena ke seruran rangau-rangau nyebut nama Uncha enggau Unching.~~~~~~~~~
Nyau ngenang baru ga kitai ngagai Uncha enggau Unching ke begulai enggau orang di Panggau din ba Lubang batu. Udah tembu sida sa-buat makai, Keling lalu bejaku “ Pulai dulu seduai di ke menua igat, lama ga apai enggau indai seduai udah nganti pemulai seduai, Indai seduai nyau sakit amat diatu, udah lima bulan seduai dek enda pulai”pia ko Keling. Uncha enggau Unching pan tekenyit, enda ke baru kemari seduai ia niki ke langit, saritu ba lubang batu ga. Enti di kira betul meh nya baru 2 hari udah bejalai nitih ke semaya. Pia deh ko peragam ati seduai ia.
“Enda ulih betangguh agi seduai dek igat. Indai duai dek mesti di perubat ka, tang anang irau. Tu batu Geliga ulih aku ngeruk alam nyawa nabau di ulu Panggau kelia bai seduai pulai. Unsut ke aja ba tubuh indai kitak, gerai ia ila”pia deh ko Keling bejaku baru sambil nyua ke bungkus pua chelum sigi ke kena ia nyimpan geliga nabau. “Nyadi gari ke kena seduai dek nya, bai pulai. Ila kena seduai baru, udah genap bulan pansut segala, dunya petang terang raya, Kitu ke seduai dek ila enggau kami bebalas ke langit tujuh kin. Ila aku madah ke seduai baru ngena mimpi, ambi ulih nimpoh hari seduai patut kitu baru”ko tudah Keling nyambung jaku ia baru.
“Au meh aya, ila kami duai datai baru ga kitu, keba ga nuan anang enda madah ila” ko seduai ia nyaut Keling. “Aram igat, aku nganjung seduai ke mua lubang batu tu. Bai magang semua keresa seduai” pia ko Keling. Seduai ia pan lalu angkat lalu ngemas semua perengka seduai ia, seduai ia pan lalu madah ke pemulai diri ngagai ibu’ duai ia Kumang. Datai di mua lubang batu dia deh Keling nangkan seduai ia ngena jaku baru. “ Anang enda madah seduai dek ngagai apai indai seduai di menua ke pejalai seduai, madah ke diri betemu enggau kami duai ibu’ dek di Panggau. Pejam ke mata seduai diatu” pia deh ko Keling.
Ia meh udah nya, lalu di ju’ ke Keling seduai ia benung ke musin ke belakang. Nya meh seduai ia tadi ngasai ke diri tak ngelayang labuh ke baruh. Tak asai ke di runtuh ke tampuk atau~~~~~~~~
7. 3: Uncha enggau Unching pulai ari Panggau Libau
Keno ko jerita, seduai ia ke di ju’ ke Keling tu tadi tak lalu labuh meredup di tisi pun tabau ke ditiki seduai ia suba. Laban ke segi anak orang berantu, nyau pechah tepambar enda berampang batang pituh ke melintang ba tisi tebiang nya kena tinggang seduai ia. Kayu ke sebelah tisi diak tak sama bela redak kena palu kaki, palu jari seduai ia ke ngetan ke tubuh diri labuh. Tanah ada ngeruang kena tinggang belakang seduai ia. Segi kering sereta berantu mensia dua iku nya, ga udah ngena gari orang Panggau.
Seduai ia lalu angkat, lebuh Uncha ke angkat bepaut ba pun kelampu ke bisi mesai lanji tuai, lalu techabut rebah ga pun kelampu nya. Lebuh Unching ke bejalai nyingkang tesipak ke tunggul pun embawang ke mesai tibang, peda tak pecah tepambar tunggul nya kena sipak ia. Nya…nyau kering amat meh seduai madi tu tadi udah ke pulai ari menua Panggau Libau. Seduai ia sama bela enda bemunyi, nadai berara ke pangan diri sama bela enda sedar. Nyangka udah di sumpah Keling baka nya kini ati enggau runding seduai ia.
Enda lama udah nya seduai ia lalu datai di kaki tangga langkau sida ia. Uncha lalu ngangau “ O..apai!!, O….indai!!, udah datai kami duai, tu kami duai dah pulai. Nama gaga seduai di rumah diak?” pia ko Uncha nanya. Nya Tudah Bujing laban ke benung ngurut pala Empena tu tadi lalu tekenyit. Tekenyit deh tudah tuai laban ke ninga kangau nyawa Uncha. Ia pan lalu nyenguk ari pelabuh, diak ia tepeda ke lelaki dua iku, lelaki nya tak nyelaie peda ia. Enda pecaya deh tudah tuai, nyangka orang nya tak nyaru diri nyadi Uncha enggau Unching.
Uncha enggau Unching lalu niki ke rumah, Bujing tadi lama enda kekimut bejaku, mata ia enda kekesap, ati ia tegetap. Peda ia semak mensia dua iku nya cukup besai, tubuh ga tinggi nyau datai di sadau, isi ga besingkul-singkul, ia ga sigat amat peda ia. “ Enda patut Uncha enggau Unching ngenyampat nya bebali baka tu”, pia deh ko peragam ati ia. Uncha pan alit ati merening apai ia ke majak ngelilik seduai ia tadi. Uncha lalu Mandang ke tanda pengada ia ke muak ari kanan, bisi ga Bujing meda.
Tang tusah amat ga Bujing ka pecaya. Nya baru duai madi ia muka ngepan sereta semua utai ke di kena ke di bai ari panggau. Tubuh seduai ia pan lalu nyurut ke diri baka ke ngelamatu. Seduai ia madi lalu berupai amat Uncha enggau Unching. Apai ia Bujing lalu merap seduai ia enggau sabak-sabak. “ Apu..kini ke seduai bangat ngelamanya ninggal ke kami duai indai kitak. Peda seduai indai dek diak nganti ke padam seput, lama udah enda dapat makai, enda dapat menchelak ke mata, ninga pan enda ulih” pia deh ko Bujing sirut-sirut merap Unching. Enda berasai ga tudah Unching pan nyau labuh ga aie mata merening tubuh tudah indai ia nyau baka bejur bangkai mensia.
Uncha lalu enda jugau sereta ngambi balut chelum ke di sua ke Keling. Lalu dibuka ia, peda lalu genyeling perechi deh batu geliga nabau. Lalu di pegai ia sereta di unsut ke ia sebelah tubuh indai ia. Peda indai ia tadi lalu angkat ngereduas. Ia pan lalu merap Uncha enggau sabak-sabak. Gerai meh tudah Empena sereta tulang nyamai asai ke ngelamatu. Tubuh Empena ke kurus lalu bebali manah baru, perut ke lapar lalu kenyang baru. Cukup bisa geliga nabau nya.
Uncha mega lalu ngunsut apai ia Bujing ngena geliga nabau nya ko jerita , peda tak lalu bebali ga tubuh Bujing ke kurus tadi pulai ngagai tubuh asal ia ke ngelamatu. Nya meh sida menyanak ia berasai gaga amat ati. “Nya meh…ukai baka ke sengaja ga kami duai lama deh indai, asai ke baru dua hari, nemu nya udah nyau bebulan ga kami duai mindah”pia deh ko Unching bejaku. Nya meh indai ia pan alit ati ninga jaku Unching, “Ia nama ke ngasuh seduai bangat enda sedar ke hari, sedar ke bulan, deh…kini ke seduai?” ko Empena ga nanya baru.
Nya baru Uncha enggau Unching lalu nusi semua utai ti udah nyadi. Di tusui seduai ia ari pun nyentuk ke ujung, ari utai ti mit nyentuk ke besai, ari mesai tungau nyentuk ke mesai utai ke pengabis besai. Nadai enda disebut, nadai enda di tusi. Nya meh Bujing enggau Empena sama bela rangap-rangap lalu bepalik pangan diri. Ninga Uncha enggau Unching udah ke Panggau Libau betemu enggau Kumang seduai Keling.
“Nyangka nya alai Kumang enda ngasuh pindah ari langkau tu suba kini, nemunya pun tabau nya meh jalai ke Panggau Libau” pia deh ko Bujing bejaku dalam ati diri. Tang deh ati Bujing enggau Empena bisi ka nangi-nangi, takut ke Kumang enggau Keling udah madah ke seduai ia madi ukai anak seduai ia ke bendar. Nyau nadai ke bukai ga runding seduai ia. Nangi ke Uncha enggau Unching tak berubah ati, nganu sereta ngeransi laban ti enda kala di padah ke ari seduai ia mit nyentuk ke besai bujang diatu. Laban Bujing tu ke segi enda di asuh Kumang madah ari suba-suba dalam mimpi.
Nyau baka ke di ajih ke malamnya keno ko jerita, Bujing pan bemimpi baru betemu enggau Kumang. Kumang bisi bejaku “ Anang irau duai dek Bujing bedau kami duai Keling madah ke asal Uncha enggau Unching. Ila kami di Panggau Libau bisi nguna seduai ia, mai seduai ia bebalas ngelaban Apai Sabit Bekait di langit tujuh din genap ke bulan segala penuh”pia deh ko Kumang madah. “ Tang ngambi ke nuan enda tekenyit Bujing, nyamai aku madah dulu ngagai nuan, nasib idup mati seduai dek Empena sigi naka maya bulan penuh ila laban Jabing madi nuan empu deka tetemu ka pendiau seduai. Jabing ila ka bebalas nyawa laban ia udah di buru sida ia serumah ketegal ke ngerachun runding sida ia serumah suba” pia ko kumang bejaku baru ngagai Bujing.
“Kami enda ulih nulung seduai dek Bujing, ukai ketegal enggai tang ketegal petara ke nempa kitak mensia ke segi udah ngagih ke baka nya. Tang anang irau Bujing, seduai mati ila ka di ambi aku begulai enggau kami di Panggau Libau ketegal duai dek ke enda ulih agi Idup di dunya nyata kitak mensia di baruh diak, laban aku sigi udah minta semengat seduai dek ari petara nyawa petara semengat mensia” Ko tudah Kumang madah ke Bujing.
Bujing pan lalu tedani. Lalu tegepang ati deh, ia lalu nuduk kediri berati ke mimpi cukup ngerawan ati. Bejaku nadai guna, berunding ngasuh tusut kira, tusah nadai meh reti laban idup mati segi tepanggai ba atur petara nyawa. Idup mati segi petara aja ke ulih nentu ka. Malik ke tisi ia lalu merening Empena ke benung tinduk jenak. “Parai meh tua tu ila wai…lesi meh tua tu ila ambai..”pia deh ko serebana ati Bujing nelai diri.
Sebulan nandan di langit, setahun nampun dibukit. Hari silih beganti, malam betukar siang. Pejam enchelak, pejam enchelak. Hari pan genap, maya pan udah datai, kenyap udah ga sangkai. Bulan pan nganti ka manchar terang penuh….
Pagi nya, Uncha enggau Unching madah ke diri deka ngabas bubu apai ia ke munggu sepiak. Tembu meh makai pagi nya seduai ia pan lalu mupuk nyingkang belubah. Hari cukup manah, langit tampak bebendang, burung enggau jelu sama belah richah rami nyambut penatai pagi.
Nyau meh tudah Uncha enggau Unching bejalai be entunda-udi enggau pangan diri. Maya ke negah jalai nya tadi mansa burung kunchit lalu bemunyi “ chit…chit…chit..chit uncha , unching jai nasit” pia deh ko munyi burung nya di dinga seduai ia. Nyelaie amat ga munyi ia. Tang seduai ia majak ga nerus ka pejalai seduai ia. “ Ngaga diri nemu ga kunchit nya aka…tak nyumpah tua jai nasit. Ia tak ngemit-mit nya, gamal jai!!” pia deh ko putap tudah Unching.
Bejalai ga sedua ia tu tadi mansa pun gerunggang sigi. Dinga munyi ga jelu landak “ krak…krak…krak…krak Uncha,Unching pulai nyabak” ko tudah landak bejaku sambil ngetik-ngetik ke tubuh ia ke penuh enggau bulu duri. “ Eh,…deh landak nama utai ke ngasuh kami nyabak, enti bubu enda bulih enda meh kami nyabak” ko tudah Uncha ga nyaut.
Enda lama udah nya datai meh seduai ia tu tadi ba bubu ke di tan apai ia Bujing. Lalu di angkat ke seduai ia, peda tak puang ga bubu nya tadi. Anang ke ikan, rau nadai meh tama. Nyau ga seduai ia kulu ke agi ngabas baru, di angkat ke seduai ia bubu nya tadi peda sama ga baka ke dulu tadi. Semua bubu ke di angkat ke duai ia sama bela bakanya magang. Anang ke ikan, tudah gerama ke mamau ga nadai tama bubu nya.~~~~~~~~~~
Keno ko jerita, seduai ia ke di ju’ ke Keling tu tadi tak lalu labuh meredup di tisi pun tabau ke ditiki seduai ia suba. Laban ke segi anak orang berantu, nyau pechah tepambar enda berampang batang pituh ke melintang ba tisi tebiang nya kena tinggang seduai ia. Kayu ke sebelah tisi diak tak sama bela redak kena palu kaki, palu jari seduai ia ke ngetan ke tubuh diri labuh. Tanah ada ngeruang kena tinggang belakang seduai ia. Segi kering sereta berantu mensia dua iku nya, ga udah ngena gari orang Panggau.
Seduai ia lalu angkat, lebuh Uncha ke angkat bepaut ba pun kelampu ke bisi mesai lanji tuai, lalu techabut rebah ga pun kelampu nya. Lebuh Unching ke bejalai nyingkang tesipak ke tunggul pun embawang ke mesai tibang, peda tak pecah tepambar tunggul nya kena sipak ia. Nya…nyau kering amat meh seduai madi tu tadi udah ke pulai ari menua Panggau Libau. Seduai ia sama bela enda bemunyi, nadai berara ke pangan diri sama bela enda sedar. Nyangka udah di sumpah Keling baka nya kini ati enggau runding seduai ia.
Enda lama udah nya seduai ia lalu datai di kaki tangga langkau sida ia. Uncha lalu ngangau “ O..apai!!, O….indai!!, udah datai kami duai, tu kami duai dah pulai. Nama gaga seduai di rumah diak?” pia ko Uncha nanya. Nya Tudah Bujing laban ke benung ngurut pala Empena tu tadi lalu tekenyit. Tekenyit deh tudah tuai laban ke ninga kangau nyawa Uncha. Ia pan lalu nyenguk ari pelabuh, diak ia tepeda ke lelaki dua iku, lelaki nya tak nyelaie peda ia. Enda pecaya deh tudah tuai, nyangka orang nya tak nyaru diri nyadi Uncha enggau Unching.
Uncha enggau Unching lalu niki ke rumah, Bujing tadi lama enda kekimut bejaku, mata ia enda kekesap, ati ia tegetap. Peda ia semak mensia dua iku nya cukup besai, tubuh ga tinggi nyau datai di sadau, isi ga besingkul-singkul, ia ga sigat amat peda ia. “ Enda patut Uncha enggau Unching ngenyampat nya bebali baka tu”, pia deh ko peragam ati ia. Uncha pan alit ati merening apai ia ke majak ngelilik seduai ia tadi. Uncha lalu Mandang ke tanda pengada ia ke muak ari kanan, bisi ga Bujing meda.
Tang tusah amat ga Bujing ka pecaya. Nya baru duai madi ia muka ngepan sereta semua utai ke di kena ke di bai ari panggau. Tubuh seduai ia pan lalu nyurut ke diri baka ke ngelamatu. Seduai ia madi lalu berupai amat Uncha enggau Unching. Apai ia Bujing lalu merap seduai ia enggau sabak-sabak. “ Apu..kini ke seduai bangat ngelamanya ninggal ke kami duai indai kitak. Peda seduai indai dek diak nganti ke padam seput, lama udah enda dapat makai, enda dapat menchelak ke mata, ninga pan enda ulih” pia deh ko Bujing sirut-sirut merap Unching. Enda berasai ga tudah Unching pan nyau labuh ga aie mata merening tubuh tudah indai ia nyau baka bejur bangkai mensia.
Uncha lalu enda jugau sereta ngambi balut chelum ke di sua ke Keling. Lalu dibuka ia, peda lalu genyeling perechi deh batu geliga nabau. Lalu di pegai ia sereta di unsut ke ia sebelah tubuh indai ia. Peda indai ia tadi lalu angkat ngereduas. Ia pan lalu merap Uncha enggau sabak-sabak. Gerai meh tudah Empena sereta tulang nyamai asai ke ngelamatu. Tubuh Empena ke kurus lalu bebali manah baru, perut ke lapar lalu kenyang baru. Cukup bisa geliga nabau nya.
Uncha mega lalu ngunsut apai ia Bujing ngena geliga nabau nya ko jerita , peda tak lalu bebali ga tubuh Bujing ke kurus tadi pulai ngagai tubuh asal ia ke ngelamatu. Nya meh sida menyanak ia berasai gaga amat ati. “Nya meh…ukai baka ke sengaja ga kami duai lama deh indai, asai ke baru dua hari, nemu nya udah nyau bebulan ga kami duai mindah”pia deh ko Unching bejaku. Nya meh indai ia pan alit ati ninga jaku Unching, “Ia nama ke ngasuh seduai bangat enda sedar ke hari, sedar ke bulan, deh…kini ke seduai?” ko Empena ga nanya baru.
Nya baru Uncha enggau Unching lalu nusi semua utai ti udah nyadi. Di tusui seduai ia ari pun nyentuk ke ujung, ari utai ti mit nyentuk ke besai, ari mesai tungau nyentuk ke mesai utai ke pengabis besai. Nadai enda disebut, nadai enda di tusi. Nya meh Bujing enggau Empena sama bela rangap-rangap lalu bepalik pangan diri. Ninga Uncha enggau Unching udah ke Panggau Libau betemu enggau Kumang seduai Keling.
“Nyangka nya alai Kumang enda ngasuh pindah ari langkau tu suba kini, nemunya pun tabau nya meh jalai ke Panggau Libau” pia deh ko Bujing bejaku dalam ati diri. Tang deh ati Bujing enggau Empena bisi ka nangi-nangi, takut ke Kumang enggau Keling udah madah ke seduai ia madi ukai anak seduai ia ke bendar. Nyau nadai ke bukai ga runding seduai ia. Nangi ke Uncha enggau Unching tak berubah ati, nganu sereta ngeransi laban ti enda kala di padah ke ari seduai ia mit nyentuk ke besai bujang diatu. Laban Bujing tu ke segi enda di asuh Kumang madah ari suba-suba dalam mimpi.
Nyau baka ke di ajih ke malamnya keno ko jerita, Bujing pan bemimpi baru betemu enggau Kumang. Kumang bisi bejaku “ Anang irau duai dek Bujing bedau kami duai Keling madah ke asal Uncha enggau Unching. Ila kami di Panggau Libau bisi nguna seduai ia, mai seduai ia bebalas ngelaban Apai Sabit Bekait di langit tujuh din genap ke bulan segala penuh”pia deh ko Kumang madah. “ Tang ngambi ke nuan enda tekenyit Bujing, nyamai aku madah dulu ngagai nuan, nasib idup mati seduai dek Empena sigi naka maya bulan penuh ila laban Jabing madi nuan empu deka tetemu ka pendiau seduai. Jabing ila ka bebalas nyawa laban ia udah di buru sida ia serumah ketegal ke ngerachun runding sida ia serumah suba” pia ko kumang bejaku baru ngagai Bujing.
“Kami enda ulih nulung seduai dek Bujing, ukai ketegal enggai tang ketegal petara ke nempa kitak mensia ke segi udah ngagih ke baka nya. Tang anang irau Bujing, seduai mati ila ka di ambi aku begulai enggau kami di Panggau Libau ketegal duai dek ke enda ulih agi Idup di dunya nyata kitak mensia di baruh diak, laban aku sigi udah minta semengat seduai dek ari petara nyawa petara semengat mensia” Ko tudah Kumang madah ke Bujing.
Bujing pan lalu tedani. Lalu tegepang ati deh, ia lalu nuduk kediri berati ke mimpi cukup ngerawan ati. Bejaku nadai guna, berunding ngasuh tusut kira, tusah nadai meh reti laban idup mati segi tepanggai ba atur petara nyawa. Idup mati segi petara aja ke ulih nentu ka. Malik ke tisi ia lalu merening Empena ke benung tinduk jenak. “Parai meh tua tu ila wai…lesi meh tua tu ila ambai..”pia deh ko serebana ati Bujing nelai diri.
Sebulan nandan di langit, setahun nampun dibukit. Hari silih beganti, malam betukar siang. Pejam enchelak, pejam enchelak. Hari pan genap, maya pan udah datai, kenyap udah ga sangkai. Bulan pan nganti ka manchar terang penuh….
Pagi nya, Uncha enggau Unching madah ke diri deka ngabas bubu apai ia ke munggu sepiak. Tembu meh makai pagi nya seduai ia pan lalu mupuk nyingkang belubah. Hari cukup manah, langit tampak bebendang, burung enggau jelu sama belah richah rami nyambut penatai pagi.
Nyau meh tudah Uncha enggau Unching bejalai be entunda-udi enggau pangan diri. Maya ke negah jalai nya tadi mansa burung kunchit lalu bemunyi “ chit…chit…chit..chit uncha , unching jai nasit” pia deh ko munyi burung nya di dinga seduai ia. Nyelaie amat ga munyi ia. Tang seduai ia majak ga nerus ka pejalai seduai ia. “ Ngaga diri nemu ga kunchit nya aka…tak nyumpah tua jai nasit. Ia tak ngemit-mit nya, gamal jai!!” pia deh ko putap tudah Unching.
Bejalai ga sedua ia tu tadi mansa pun gerunggang sigi. Dinga munyi ga jelu landak “ krak…krak…krak…krak Uncha,Unching pulai nyabak” ko tudah landak bejaku sambil ngetik-ngetik ke tubuh ia ke penuh enggau bulu duri. “ Eh,…deh landak nama utai ke ngasuh kami nyabak, enti bubu enda bulih enda meh kami nyabak” ko tudah Uncha ga nyaut.
Enda lama udah nya datai meh seduai ia tu tadi ba bubu ke di tan apai ia Bujing. Lalu di angkat ke seduai ia, peda tak puang ga bubu nya tadi. Anang ke ikan, rau nadai meh tama. Nyau ga seduai ia kulu ke agi ngabas baru, di angkat ke seduai ia bubu nya tadi peda sama ga baka ke dulu tadi. Semua bubu ke di angkat ke duai ia sama bela bakanya magang. Anang ke ikan, tudah gerama ke mamau ga nadai tama bubu nya.~~~~~~~~~~
Tiada ulasan:
Catat Ulasan